Од утре масовна имунизација во уште 6 градови - Во Охрид вакцинација во салата „Билјанини Извори“

Спортската сала „Билјанини Извори“ во Охрид подготвена за стартот на масовната вакцинација. Денеска пристигнаа вакцини на кинески „Синофарм“ за југозападниот регион, како што дознаваме предвидени се околу 40 илјади вакцини а дневно ќе се вакцинираат околу 1500 граѓани. Нема да има старосна граница ниту па ќе може граѓаните да се вакцинираат доколу немаат закажано термин, најнапред ќе се вакцинираат оние кои први аплицирале на сајтот vakcinacija.mk.

Во процесот ќе учествуваат 50 медицински сестри,10 доктори и 24 административни работници а вакциналните пунктови ќе работат во две смени. Здравствените работници апелираат граѓаните да се  вакцинираат за да се победи пандемијата.

Инаку Охрид е регионален центар каде покрај охриѓани ќе се вакцинираат и граѓаните на Струга, Вевчани, Кичево, Дебар и Ресен на 28 вакцинални пунктови.