Од Шпанија вратени 26 албански државјани
Албанската државната полиција информираше дека со чартер лет од Шпанија во Тирана се вратени 26 албански граѓани, поради прекршување на правилата за престој во Шенген зоната.
Меѓу депортираните е и 50- годишник баран од италијанските власти со меѓународна потерница. Станува збор за К.Ј. од Валона кој е лишен од слобода, со цел екстрадиција во Италија.
Властите во Италија го бараат за трговија со дрога,како дел од структурирана криминална група, а на шпанската полиција и дал лажни податоци за неговиот идентитет.
Според полицијата од почетокот на годинава околу 900 албански државјани се депортирани со чартер летови, од неколку европски земји, пред се, Франција и Германија. Последно беа депортирани 40 албански државјани, од кои 34 од Франција и шесттмина од Белгија, откако им е одбиено барањето за азил.
И овојпат државната полиција апелира до сите албански државјани да ги почитуваат правилата за движење во Шенген зоната и да не вложуваат никакви напори и да се изложуваат на непотребни трошоци, бидејќи Албанија се смета за безбедна земја поради што „шансите за добивање азил за албанските граѓани се еднакви на нула“.
Ново на Сител
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени