Од Прилеп стартуваше новиот циклус Саеми за вработување
Понудата и побарувачката на работа сила на едно место. Од Прилеп почна новиот циклус на караванот - Саеми за вработување.
40 тина компании и речиси 2,000 заинтересирани лица кои сакаат да најдат работа се споија на исто место.
- Целта е да се видат можностите што ги нудат приватните компании и да се поттикнат луѓето активно да бараат работа, да се создаде можност невработените лица побрзо да стапат во контакт со претставници од приватните компании кои имаат слободни работни места. Истовремено саемите се и можност за младите кои се во процес на образование, да видат какви вештини и занимања се бараат на пазарот на трудот за да се ориентираат каде да го насочат школувањето, истакна министерот за труд Спасов.
На овој начин преку модерен и интерактивен пристап невработените можат да стапат во контакт со голем број идни работодавачи. Искуството говори дека успешноста од ваквите саеми е голема. Само мината година вработени се 600 лица
Поповски со совет до младите – да размислат добро каде да го насочат соето образование. Да ги посетат ваквите саеми и да видат кој кадар е најбаран на пазарот. Инаку, наредниот саем за вработување е закажан за 7 октомври во Велес.
-
Наташа Мерсовска
Сите содржини од овој новинар