Од почетокот на јули 27 пожари во кочанско
Од почетокот на јули до денеска се во Кочани и околината се регистрирани 27 пожари од кои 21 биле на отворен простор, информираат од Територијалната противпожарна единица (ТППЕ) во градот.
Опасноста од појава на пожари значително е зголемена во текот на летниот период, а, како што посочуваат од ТППЕ, луѓето се главниот фактор за предизвикување на пожари. Надлежните од општина Кочани и ТППЕ во неколку наврати апелираа до граѓаните за поголемо внимание, најмногу до земјоделците кои ги палат стрништата.
- Во најголем број од случаите се работи за опожарување на стрништа и на сува вегетација. Од почетокот на годината досега се регистрирани 96 интервенции од страна на кочанските пожарникари, изјави Дејанчо Арсов, командир на кочанската територијална единица.
Кочанските пожарникари ја покриваат и територијата на општините Чешиново Облешево и Зрновци, и според изјавата на Арсов, и во овие општини се бележи зголемен број на интервенции.
Во Чешиново Облешево се регистрирани 10 пожари на отворено овој месец при што е зафатена опожарена површина од 25 ха. Со најголем обем биле пожарите во селото Теранци, како и оној помеѓу селата Бање и Спанчево, каде што е опожарена површина од 12 ха.
Според Арсов, голем број од пожарите се предизвикани поради палење на стрништата и вегетацијата, но и поради неисправност на механизацијата.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите