Свет
12. April 2019 - 8:32

Од Германија депортирани тројца државјани на БиХ осомничени за тероризам

Властите на германската сојузна покраина Северна Рајна – Вестфалија депортираа тројца државјани на Босна и Херцеговина поради сомнежи за поврзаност со тероризам.

Како што соопшти германското Министерство за деца, семејство, бегалци и интеграции, постојат сомнежи дека тројцата босански државјани планирале напади во Германија во име на џихадистичката група Исламска држава (ИД).

Осомничените исламисти биле депортирани за БиХ од аеродромот во Дизелдорф.