Македонија
8. January 2020 - 13:37

Од 4.812 сообраќајни контроли во Тетово, казни за 1.689 лица за само еден месец

Во декември 2019 година СВР Тетово бележи дека се санкционирани 1.689 лица. Вкупно биле контролирани 4.812 учесници во сообраќајот.

-Поради констатирани различни видови прекршоци, согласно Законот за безбедност на сообраќајот на патиштата и Законот за возила, од сообраќај биле исклучени 84 возила.Најмногу од исклучените возила (78) имале истечена регистрација до и над 30 дена, додека кај шест утврдена е техничка неисправност, претежно на сопирачките. Во декември лани, од сообраќај биле исклучени и 219 возачи, од кои 98 кои управувале без возачка дозвола, пет со несоодветна категорија, четири со важечка забрана, 64 возачи-почетници и 48 кои управувале под дејство на алкохол, вели Марјан Јосифоски, портпарол на СВР Тетово.

Откриените сообраќајни прекршоци минатиот месец заокружени се со 305 прекршочни и 156 мандатни плaтни налози, како и со 1.136 писмени опомени. Исто така, времено биле одземени 117 возачки и 62 сообраќајни дозволи.