Од 2009 година досега околу 38 илјади граѓани се откажале од косовското државјанство
Од 2009 година досега околу 38 илјади граѓани се откажале од државјанството на Косово, потврдуваат од Министерството за внатрешни работи.
Оваа бројка, од страна на експертите, се оценува како многу загрижувачка.
Валон Красниќи, директор на одделот за државјанство, азил и миграција во косовското Министерство, вели дека во најголем број од случаите причината за откажување од државјанството е фактот што многу европски земји не дозволуваат двојно државјанство за граѓаните кои не се дел од ЕУ.
Најголемиот број од косовските граѓани кои се откажале од државјанството, вели Красниќи, добиле германско државјанство.
- Од 2009 година до почетокот на годинава, од косовското државјанство се откажале 37.823 лица. Имајќи предвид дека поголемиот дел од државите на ЕУ не дозволуваат двојно државјанство за граѓаните кои не се дел од ЕУ, тогаш државјаните на Косово кои имаат регуларен престој во овие држави, за да ги исполнат условите за државјанство, се обврзани да се откажат од претходното државјанство, истакна Красниќи.
Според Дритан Селманај од организацијата „Демократија Плус“, оваа појава е најјасната и најтажната порака до институциите на Косово и за оние кои раководат со државата.
Косово во периодот на формирање држава, оценува тој, не успеа да изгради држава со економска стабилност и развој, квалитетно образование и здравство.
Од досегашниот тек на пописот на косовската дијаспора произлегува дека над 400 илјади Косовци живеат и работат во други држави. Најголемиот број од нив живеат во Германија, потоа во Швајцарија и САД.
Пописот на дијаспората продолжува и се очекува да заврши до крајот на годинава.
Инаку, според податоците на Агенцијата за статистика на Косово, околу 700 илјади Косовци живеат во други држави во светот.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација