Ракомет
12. December 2017 - 17:47

Очекуван и убедлив триумф на Металург над Динамо Панчево

 
 
  Ракометарите на Металург ја оправдаа улогата на фаворит и убедливо го совладаа Динамо од Панчево во меч 11.коло на регионалната СЕХА лига. 
 
На средбата одиграна попладнево во СЦ „Борис Трајковски“, македонскиот вицепрвак Металург го совлада српскиот Динамо Панчево со осум гола разлика  33-25. 
 
Победата ракометарите на Металург ја најавија уште во првото полувреме кое го добија со девет гола разлика 22-13, па вториот дел за избраниците на тренерот Александар Јовиќ беше само чиста формалност.
 
Халил Јагањац со 10 гола беше најефикасниот ракометар во редовите на макеоднскиот вицепрвак, за кој Филип Кузмановски постигна 7 гола. 
 
За Металург ова е четвртата победа во СЕХА лигата, а со новите три бода, вкупно 12, тимот од Автокоманда се проби на 6.место на табелата, пред словенечкиот тим Гореље Велеље кој утре ќе биде домаќин на Вардар.