Обвинителството ќе ги истражува причините за загинувањето на планинарите на Кајмакчалан
Скопското Јавно обвинителство постапува за расветлување на трагедијата на планинскиот врв Кајмакчалан, во кој животот го загубија македонските планинари Калина Велевска и Александар Миновски.
- Надлежен јавен обвинител издаде наредба до Секторот за внатрешни работи Скопје – Единица за насилен криминал да се извршат проверки во Федерацијата на планинарските спортови на Македонија по однос на тоа кој, кога, и како ја организирал планинарската експедиција, кои се потребните услови за таква организација и дали тие биле исполнети, како и други околности, соопштија утрово од Обвинителството.
Во исто време, издадена е наредба да се направат проверки и во планинарското друштво „Трансверзалец“ – Скопје, нивните акти и одлуки врз основа на кои се организираат планинарските експедиции, потребните услови што треба да се исполнат, како и околностите под кои се спроведувало искачувањето на Кајмакчалан.
По наредба на надлежниот обвинител треба да бидат обезбедени и листинзите на појдовни и дојдовни повици од мобилните телефони на починатите планинари, се додава во соопштението од Обвинителството.
Калина Велевска и Александар Миновски загинаа на 10 февруари искачувајќи се на Кајмакчалан заедно со група планинари.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.