Обвинителството го предупреди Пленковиќ за вршење притисок
Државното обвинителство го предупреди хрватскиот премиер Андреј Пленковиќ за законот кој забранува вршење притисок врз Обвинителството, по повод неговата неодамнешна изјава дека Обвинителството може да ја истражи дури и највлијателната опозициска СДП.
Пленковиќ тоа го рече откако минатата недела беа уапсени група членови на ХДЗ, осомничени за коруптивни дела и злоупотреба на службената должност, меѓу кои и истакнатиот член на ХДЗ и поранешната градоначалничка на Книн, Јосипа Римац.
– Што се однесува до активностите за кои се алудира, кои се од корумпирана природа, очекувам телата, како полицијата, така и државното правобранителство, да ги гонат и оние дела што се однесуваат на СДП, рече претходно Пленковиќ и како пример ги наведе јавните набавки околу Европската престолнина на културата во Риека.
Тој рече дека очекува исти аршини да се применуваат кон сите.
Обвинителството, преку соопштение на официјалната веб-страница, го предупреди Пленковиќ дека постои забрана за вршење притисок и каква било форма на влијание, особено против државните обвинители и нивните заменици, за злоупотреба на јавната функција и користење медиуми и јавни настапи во кривични случаи со цел заштита на државниот имот.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово