Свет
2. November 2017 - 10:52

Обвинетите каталонски сепаратисти пристигнаа во судот во Мадрид

Разрешени членови на регионалната Влада и Парламентот на Каталонија денеска пристигнаа во суд во шпанскиот главен град Мадрид, каде треба да бидат сослушани во врска со обвиненијата за бунт и против-државни активности.

Меѓу нив не е разрешениот премиер Карлес Пуџдемон и уште четири членови од Владата кои заминаа во Белгија за да избегнат апсење.

Групата од 14 членови на разрешената Влада, кои се појавија во судот, беше предводена од разрешениот вицепремиер Ориол Жункерас. Тие беа пречекани од демонстранти кои на каталонски им извикуваа „Nе сте сами“.