Обука на негователките во детските градинки во Штип на тема „ Првата помош спасува животи“
Општина Штип и Општинската организација на Црвениот крст-Штип од денеска почнаа со обуки и предавање наменети за негователките во детските градинки на тема „Првата помош спасува животи“.
Марија Џонова–Попова вработена во Општина Штип вели дека во детската градинка „Вера Циривири-Трена“ обуката и предавањето го следат 40 негователки заедно со медицинската сестра.
-Негователките се обучени и тие имаат медицински персонал за давање на прва помош на децата, но велиме дека повторувањето е мајка на знаењето. Овде сме со Црвениот крст практично да го увидат давањето на брзата помош и секогаш е потребно да се обновува знаењето, бидејќи ја знаеме и природата на децата, тие се секогаш разиграни. Негователките се во контакт со нив и се први кои што се тука да им укажат помош, вели Џонова-Попова.
Негователката Соња Димитриевска вели дека досега во нејзината група не се случило на дете да му е потребна брза медицинска помош, но како негователки треба секогаш да бидат присебни и да му помогнат на детето доколку има здравствени проблеми или случајно голтнало некој предмет, а потоа да повикат и Брза помош.
Обуките на Црвениот крст и на Општина Штип ќе продолжат и утре во детската градинка „Астибо“.
Ново на Сител
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра