Облачно време со слаби врнежи од снег
Под влијание на студена и не многу влажна воздушна маса, денес времето ќе биде облачно со локални врнежи главно со слаб интензитет.
Врнежите ќе бидат претежно од снег, освен во пониските подрачја на југот. До утре вечер повеќе врнежи ќе има во планинските региони на северозападот и истокот од земјава, каде се очекува формирање или зголемување на снежната покривка.
Формирање на мала снежна покривка е можно понекаде и во пониските делови на северот од земјава.
Во Скопската котлина не се очекуваат многу врнежи, но ќе бидат претежно од снег, особено во текот на утрешниот ден.
Појава на врнежи ќе има и во вторник, но само во крајните западни делови.
Во останатите региони преку денот ќе има сончеви периоди, ќе дува умерен југозападен ветер, а температурата осетно ќе се зголеми. Поинтензивен влажен бран со врнежи од дожд се очекува во среда доцна попладне, како и во текот на ноќта кон четврток кога поради нагло заладување врнежите ќе преминуваат во снег.
Температурата ќе биде во интервал од 0 до 6 степени.
Во Скопската котлина облачно со слаби локални врнежи, во повисоките делови од снег, а во пониските од дожд и снег. Температурата ќе достигне 4 степени.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка