Облачно со слаби врнежи од дожд и снег

Времето денеска ќе биде претежно облачно со слаби проврнувања на дожд и снег на планините. Ќе дува слаб до умерен ветер од североисточен правец. Температурата ќе се движи од два до девет степени.

Во Скопје ќе биде облачно и ќе дува слаб до умерен ветер од североисточен правец. Температурата ќе достигне до осум степени.

Следува период на претежно облачно време со слаби локални врнежи од дожд, а на планините од снег. Поради спуштање на студен воздух од север, в недела и в понеделник ќе има услови врнежите да преминуваат во снег и на некои пониски места. Повеќе врнежи ќе има во северозападниот дел од земјава.