Македонија
31. August 2017 - 12:40

Објавен тендер за канализација со Пречистителна станица во Едрениково

Распишан е тендерот за изградба на канализациска мрежа и пречистителна станица за отпадни води во населеното место Едрениково во општина Василево.

Оваа комунална инвестиција се спроведува во рамки на проектот „Управување со сливот на река Струмица“ кој Програмата за развој на Обединетите нации (УНДП) го имплементира во партнерство со Центарот за развој на Југоисточниот плански регион, Министерството за животна средина и просторно планирање, Министерството за земјоделство, шумарство и водостопанство, општините од сливот и други институции на локално, регионално и национално ниво.

Едрениково е село во општина Василево во кое живеат околу 300 жители.

Заинтересираните компании кои сакаат да учествуваат во тендерот, треба да ги поднесат апликациите најдоцна до 18 септември 2017.