Обилни врнежи на снег во Европа
Обилните снежни врнежи што денеска зафатија повеќе делови на Европа предизвикаа проблеми во одвивањето на копнениот и воздушниот сообраќај.
Поради обилните врнежи од снег затворен за сообраќај е аеродромот „Завентем“ во Брисел. Засега нема ниту полетувања, ниту слетувања, соопштија аеродромските власти.
Во Франција, во 32 области е прогласена вонредна состојба, а поради врнежите на снег над десетици илјади домаќинства останаа без електрична енергија.
Снежната бура предизвика хаос и во северниот дел на Италија.
Во Германија уште од вчера времено е запрен целиот сообраќај на аеродромот во Дизелдорф, чиј претставник изјави дека засега не е познато колку долго тој ќе остане затворен.
На најголемиот аеродром во Германија, франкфуртскиот, функционира само една писта, поради што се откажани голем број летови или се изведуваат со задоцнување. Претставник на аеродромот оцени дека состојбата е „драматична“.
Откажани се повеќе летови и од аеродромот Келн-Бон, но тој засега не е затворен за сообраќај и кон него се пренасочуваат авионите што требаше да слетаат во Дизелдорф.
Делови на Велика Британија исто така се зафатена од обилни снежни врнежи.
Британската метеоролошка служба објави „жолто“ предупредување од можни нови снежни врнежи, пред се во централните делови на Англија и во северен Велс.
Аеродромот во Бирмингем и лондоснкиот „Станстед“ ги откажаа сите летови поради замрзнување на пистите, а во реонот на Лестер целосно беше прекинат сообраќајот на автопатот М1, кој го поврзува Лондон со североисточниот дел на Англија.
Бо исто време, северните делови на Словачка ги погоди ураган, а најкритична е ситуацијата во одморалиштетот Јасна. Ветерот во регионот достигна брзина од 120 километри на час.
Турнати се дрва, а на одредени места во прекин е снабдувањето со електричната енергија. Метеоролозите прогнозираат дека ветерот ќе достигне јачина до 180 километри на час.
Ново на Сител
-
Погребна фирма во САД проневерила државна помош - не ги погребувала и кремирала телата
-
Да ѝ помогнеме на Моника Бојковска да оздрави
-
Арсовска: Нема да поминат заканите за тужба, да се одговори кога е осигуран објектот на Универзална сала
-
Албанец одбива да прими казна оти била напишана на македонски јазик
-
Османи: На затворена седница ќе презентирам информации за Бањска, а Владата ќе одлучи за натамошно учество во „Отворен Балкан“
-
Градоначалник на скопска општина доби кривична за прекршување на Законот за заштита на деца
-
Грејната сезона продолжува поради временските услови
-
Османи: За предметот „Пациент“ на СЈО немаше обвинение, мојот противкандидат нема идеи во оваа изборна кампања