-->
-->
Обезбедени 100 хуманитарни пакети за ранливите категории во Крива Паланка
-->
Во заедничка акција на општинската организација на Црвен крст од Крива Паланка и компанијата „Вардар експорт-БИ“ обезбедени се 100 хуманитарни пакети кои ќе бидат доделени на ранливите групи од општината.
Пакетите се обезбедени преку двомесечно одделување по еден денар од продажбата на лебот што го произведува кривопаланечката пекарница на „Вардар експорт-БИ“.
- Со спроведувањето на оваа акција, што е прв ваков пример за соработка на ООЦК Крива Паланка со бизнис секторот, се покажа подготвеност, хуманост и препознавање на потребите на социјално загрозените семејства, што говори за општествената одговорност во однос на локалната заедница, iзјави Дарко Пешовски, секретар на ООЦК , Крива Паланка.
Во соработка со меѓуопштинскиот Центар за социјални работи, додаде, социјалните пакети ќе бидат доделени на семејства-корисници на социјална помош, на ранливи категории лица од училиштата и на семејства од руралните населби.
По повод успешно спроведената акција за помош на социјално загрозеното население, градоначалникот на Крива Паланка, Арсенчо Алексовски, му врачи општинска плакета на сопстевникот на фирмата „Вардар експорт-БИ“.
Алексовски ја поздрави иницијативата која оваа компанија ја спроведе во соработка со ОО на Црвен крст од Крива Паланка и ги повика и останатите субјекти од бизнис секторот да го следат овој пример и да се приклучат кон хуманитарни активности од ваков вид преку кои ќе дадат свој придонес за подобрување на квалитетот на живот на ранливите категории .
-->
-->
-->
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари