Обединетото Кралство го прифати терминот Република Северна Македонија
– Владата на Обединетото Кралство во однос на Македонија ќе го користи терминот Република Северна Македонија, соопшти денеска секретарот за надворешни работи Џереми Хант.
Во изјавата објавена на веб-страницата на Владата на Обединетото Кралство и по повод стапувањето во сила на Преспанскиот договор меѓу Грција и Македонија, Хант наведува дека ова е историски момент за двете земји.
–Двете страни ги презедоа потребните чекори за да стапи во сила Преспанскиот договор. Владата на Нејзиното Величество им честита на владите на Република Грција и Република Северна Македонија за нивната храброст и одлучност во решавање на овој долгодишен билатерален спор. Ова е историски момент за двете земји. Мило ми е што ќе ја продолжиме соработката со Северна Македонија и со Грција на билатерална основа, како и во Северноатлантската Алијанса во интерес на европската безбедност, пишува Хант.
Во изјавата уште се наведува и дека Владата на Обединетото Кралство доби барање од Владата на Република Северна Македонија да го прифати и користи името и термините наведени во членот 1 (3) од Преспанскиот договор. Во таа насока Владата на Обединетото Кралство во однос на Македонија ќе го користи терминот Република Северна Македонија.
Ново на Сител
-
Аналитички центар на Сител: Пресек на излезност до 18:30 часот
-
Аналитички центар на Сител: Пресек на излезност до 15 часот
-
Аналитички центар на Сител: Пресек на излезност до 13 часот
-
Просечна излезност до 11 часот
-
ОБСЕ: На крајот на денот ќе оцениме како се одржало гласањето
-
Аналитички центар на Сител: Просечна излезност до 9 часот
-
Министерот се премисли: Основците нема да одат на училиште во сабота
-
Агресијата кај учениците е резултат на целокупната состојба во државата