Обама упати апел за поддршка на Ердоган
Американскиот претседател Барак Обама рано изутринава ги повика сите сили во Турција да ја поддржат демократски избраната Влада на турскиот претседател Реџеп Тајип Ердоган.
Како што соопшти Белата куќа, Обама за случувањата во Турција телефонски разговарал со државниот секретар Џон Кери, кој се наоѓа во Москва.
- Претседателот и државниот секретар сметаат дека сите сили во Турција треба да ја поддржат демократски избраната Влада во земјата, да демонстрираат воздржаност и да не дозволат насилство и крвопролевање, нагласи Белата куќа.
Во врска со случувањата во Турција се огласи и генералниот секретар на НАТО, Јенс Столтенберг, кој повика на смирување и на целосно почитување на демократските институции во земјата.
- Повикувам кон смирување и воздржаност и кон целосно почитување на демократските институции во Турција и на нејзиниот Устав, се наведува во кусото соопштение на Столтенберг.
Ново на Сител
-
Просечна излезност до 11 часот
-
ОБСЕ: На крајот на денот ќе оцениме како се одржало гласањето
-
Аналитички центар на Сител: Просечна излезност до 9 часот
-
Министерот се премисли: Основците нема да одат на училиште во сабота
-
Агресијата кај учениците е резултат на целокупната состојба во државата
-
ВО ЖИВО: Нема настава во сабота
-
Тема на денот со претседателот на ДИК, Александар Даштевски
-
ССК: Кога среда е неработен ден, сте ја изгубиле цела недела