Обама обвинет дека од политички причини му дозволил на Хезболах да шверцува кокаин во Европа и САД
Американскиот Конгрес планира да отвори истрага по обвинувањата дека претставници на администрацијата на претходниот претседател Барак Обама извршила притисок врз Агенцијата за борба против дрога (ДЕА) да спречи истрага врз голема група шверцери поврзани со про-иранската шиитска терористичка група Хезболах.
Според истражувачка сторија на „Политико“, причината што администрацијата на Обама барала да се запре истрагата биле тековните преговори меѓу САД и Иран за запирање на иранската нуклеарна програма.
Истрагата, која се водела во ДЕА под шифрираното име Проект Касандра, била отпочната во 2008 година и преку неа 30 американски и странски безбедносни агенции ги следеле активностите на Хезболах чии членови организирале испорака на кокаин од Јужна Америка од Западна Африка и оттаму во Европа, или преку Венецуела и Мексико до САД. Но, Јавниот обвинител на САД, кој е под директна надлежност на претседателот, ги одбил барањата на ДЕА да поднесе кривични пријави против шверцерите поврзани со Хезболах, и покрај цврстите докази кои биле обезбедени за шверц на дрога вредна безмалку половина милијарда долари, од кои дел завршиле во џебовите на иранската паравоена група Кудс.
Републиканскиот конгресмен Рон Десантис, кој претседава со Поткомитетот за национална безбедност на американскиот Конгрес, најави дека ќе повика претставници на поранешната администрација да одговорат дали навистина, поради политички причини, му дозволиле на Хезболах да продолжи да шверцува кокаин во САД и во Европа.
- Хезболах е брутална терористичка организација која има американска крв на рацете и неприфатливо е нашата влада да презема мерки кои ќе и овозможат дополнително да добие на сила, изјави Десантис.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово