Обама ги повика Израел и Палестинците да го продолжат мировниот процес
Американскиот претседател Барак Обама ги повика синоќа Израел и Палестинците да продолжат да се обидуваат да постигнат мир, иако призна дека шансите за тоа се многу мали.
Тој апелот го упати додека во Белата куќа го примаше неговиот израелски колега Реувен Ривлин.
- И покрај тоа што сме во момент кога перспективите за вистински мир можеби изгледаат далечни, важно е да продолжиме да се обидуваме, нагласи Обама.
Американскиот претседател истакна дека го осудува насилството во Израел и го повика палестинскиот претседател Махмуд Абас да го стори истото.
Од почетокот на октомври беа убиени 113 Палестинци и 17 Израелци, претежно во поединечни палестински напади со ладно оружје и во судири меѓу израелските сили за безбедност и Палестинците.
Потврдувајќи ја посветеноста на САД кон Израел, Обама го поздрави нивото на соработка меѓу двете земји во сферата на одбраната и размената на разузнавачки информации.
- Неопходно е од време на време да го повториме она што е веќе познато: Израел нема подобар пријател од САД, рече Ривлин.
Израелскиот претседател му се заблагодари на Обама за американската финансиска, воена и дипломатска помош.
Ново на Сител
-
Вештачењето откри - Избришани повици и пораки од телефонот на мајката на исчезнатата Данка
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто