Нуркачи на МВР го пребаруваат Мавровско Езеро, трагаат по исчезнатиот излетник
Специјални нуркачки тимови од утрово го пребаруваат брегот на Мавровско Езеро во месноста Бунец во обид да го пронајдат турскиот државјанин кој вчера попладне исчезна во водите на езерото.
Од Јавното обвинителство потврдуваат дека ја следат потрагата, но засега не можат да ја потврдат судбината на мажот на возраст од 67 години кој последен пат е виден како се обидува во неколку наврати да исплива на површината.
Неофицијално, лицето по кое се трага е турски државјанин Тој, вчера, со пријатели од Скопје тргнале на излет покрај брегот на Мавровско Езеро. Некаде околу 16 часот заедно со уште едно лице влегле во водите на езерото во близина на еден километар од месноста Бунец. При враќањето кон брегот, најевројатно загубил сила и почнал да тоне и се обидувал да исплива на површината по што му се губи трагата. Едниот од излетниците допливал до брегот и побарал помош.
Случајот во полициското одделение Маврово, го пријавил рибар кој бил во близина по што полициски службеници од полициското одделение Маврово, помогнале и едниот од излетниците го префрлиле во гостиварската болница.
Ново на Сител
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар
-
Скопјанец наплаќал паркинг на државно земјиште
-
Кривична пријава за тројца полициски службеници за „несовесно работење во службата”
-
Вратен и третиот мандат за формирање влада, следат нови избори во Бугарија
-
Ѓурчески: Се сомневам дека Данка е киднапирана, детално чешлање на сите криминалци во тој регион