Балкан
14. July 2015 - 20:24

Нуланд: САД ја поддржуваат Србија на патот кон ЕУ

Српскиот премиер Александар Вучиќ на средбата со американскиот помошник-државен секретар Викторија Нуланд истакна дека Белград е цврсто определен за членство во Европската унија.

Вучиќ и Нуланд разговараа за билатералните односи, за евроинтеграциите на Србија, за дијалогот Белград - Приштина, како и за ситуацијата во регионот со посебен акцент на Босна и Херцеговина и на Македонија.

- Политичката и економската стабилност е клучна за напредокот на регионот и Србија нема да се откаже од политиката која води кон таа цел, посочи српскиот премиер.

Нуланд наведе дека Вашингтон го поддржува патот на Србија кон ЕУ, а исто така ќе и помогне да обезбеди енергетска безбедност.