Нухиу: Со Будимпештанскиот процес до најдобро справување со миграцијата
Миграцијата како феномен секогаш била присутна и актуелна на глобално ниво, но и на Балканот, а Будимпештанскиот процес го содржи вистинскиот пристап – воведување политика за управување со миграцијата, а не нејзино спречување, истакна заменик министерот за внатрешни работи, Агим Нухиу, на состанокот во Скопје со три работни групи по повод годинешното претседавање на земјава со Меѓународниот центар за развој на миграциски политики – Секретеријат на Будимпештанскиот процес.
Целта на состанокот е секоја земја да ги искаже проблемите со кои се соочува при управувањето со мигрантските текови, како и координација и усвојување на заедничките ставови.
Нухиу изјави дека Балканот не е имун на миграцијата, најмногу поради својата географска поставеност и улогата на крстопат помеѓу Истокот и Западот.
– Мојата држава го презеде претседавањето со Управната група на Меѓународниот центар за развој на миграциска политика за оваа година, во обид фокусот на активности на Меѓународниот центар за развој на миграциска политика уште повеќе да биде насочен кон земјите од Западен Балкан, во време на силно зајакнати напори на целиот овој регион за интеграција во евро-атлантските структури, истакна Нухиу.
Државниот секретар во Министертсвото за внатрешни работи, Магдалена Несторовска, нагласи дека Будимпештанскиот процес е можеби најдобриот пример за соработка меѓу земји од две култури, два континента: Европа и Азија.
– Како платформа за соработка, Будимпештанскиот процес се покажа како навистина успешен, собирајќи на едно место над 50 земји и десетина меѓународни организации обединувајќи ги во единствена цел – поттикнување на дијалог и споделување на најдобри практики во управување со миграциските текови, подвлече Несторовска.
На состанокот учествуваат три работни групи и тоа за Југоисточна Европа, со која во моментов претседава нашата држава како и за земјите покрај Црното Море и за земјите долж Патот на свилата.
Ново на Сител
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје