Новогодишен концерт етно хармоника во Крива Паланка
Студентите по етно хармоника на Музичката академија при Универзитет „Гоце Делчев“, Штип синоќа одржаа новогодишен концерт во националната установа Центар за култура, Крива Паланка.
Кривопаланечката јавност уживаше во концертот на првата генерација студенти по етно хармоника од класата на проф.д-р Илчо Јованов.
- Концертот во Крива Паланка следува по турнејата низ повеќе градови во државата. Универзитетот е отворен во 2007 година, а Одделот етно хармоника го отворив јас пред четири години. На овие простори на Балканот има ваков отсек само во Пловдив, Бугарија и кај нас. Ја негуваме фолклорната традиција на Македонија, богатата фолклорна ризница од која вечерва на програмата беше инструментална музика од наши автори, за хармоника и други инструменти, рече проф. д-р Илчо Јованов, професор по етно хармоника на Музичка академија на Универзитет „Гоце Делчев“ во Штип.
Програмата опфати 13 етно композиции од авторите Кочо Петровски, Милан Завков, Благоја Десковски, Иван Терзиев и Илчо Јованов.
На концертот настапија и тројца паланчани, Марјан и Мартин Бошковски и Виктор Ристовски, исклучително талентирани инструменталисти-хармоникаши.
- Од првата генерација треба да дипломираат тројца хармоникаши, а вашите сограѓани Бошковски и Ристовски се исклучително надарени, имаат талент, упорни се и нивното музицирање е на високо ниво, што ветува светла иднина за нив, дополни Јованов.
На едночасовниот хармоникашки спектакл публиката уживаше во прекрасните звуци на хармоника со композициите Илчово оро, Печалбарско оро, Естрадно оро, Маестрално оро, Драчевка, Каравлашко, Играорна фантазија и други.
Ново на Сител
-
Американската централна банка потврди рекордна загуба
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара