Ново снежно невреме го погоди североисточниот дел на САД
Околу 75.000 лица останаа без струја во Њу Џерси, откако оваа американска сојузна држава ја погоди четврто снежно невреме во последниве три недели.
Обилните врнежи од снег формираа снежна покривка со дебелина до 30 сантиметри, пред се во централните делови на државата. Поради снегот денеска не работат сите државни установи.
Гувернерот на Њу Џерси, Фил Нарфи уште во вторникот вечерта прогласи вонредна состојба во очекување на новиот снежен бран и засега нема најави кога таа ќе биде укината.
Снежни врнежи ги зафатија и останатите држави од северниот дел на американското атлантстко крајбрежје. Така, снежна покривка од околу 18 сентиметри е формирана во Филаделфија и во Њујорк, а од околу 20 сентиметри во Бостон.
Поради невремето се откажани околу 4.000 летови од аеродормите во регионот, а регистирани се и поголем број сообраќајни несреќи во кои загинаа најмалку две лица.
Белата куќа, како што јави МИА, поради невремето уште вчера ги откажа сите ангажмани на претседателот Доналд Трамп, вклучително и редовната средба на Владата, а многу владини институтции во Вашингтон денеска исто така се затворени.
Американската Националната метеоролошка служба вчера издаде предупредување за надоаѓање на снежна бура, која ќе зафати неколку источни сојузни држави на потегот од Северна Каролина до Масачусетс, каде живеат над 70 милиони луѓе.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка