Македонија
3. January 2020 - 8:17

Ново рочиште за „Рекет“, ќе сведочи обвинителката Елизабета Јосифовска

Обвинителката на СЈО и заменичка на екс шефицата на истото обвинителство, Елизабета Јосифовска, денеска ќе сведочи за случајот Рекет.

Таа беше меѓу првите повикани сведоци од кои обвинителството за организиран криминал и корупција бараше информации за случајот. 

Тогаш Јосифоска потврди дека по налог на Јанева која била отсутна, го потпишала документот за враќање на пасошот на бизнисменот Јордан Камчев..

Во случајот Рекет обвинети се екс шефицата на СЈО, Катица Јанева и Бојан Јовановски - Боки 13.

Првообвинетиот Јовановски се сомничи дека сторил кривично дело „перење пари и други приноси од казниво дело“, а Јанева за „злоупотреба на службена положба и овластување“ како  и „примање награда за противзаконито влијание“. 

Според обвинението, Кичеец и Боки 13 од бизнисменот Орце Камчев побарале 8 милиони евра за со амин на Јанева да го спасат од прогон за случајот „Империја“. Во своето сведочење пред судот, Камчев потврди дека од бараната сума, тој исплатил 1,5 милион евра.

Зоран Јаневски