Тенис
20. March 2016 - 9:23

Ново финале за Ѓоковиќ на Индијан Велс

Најдобриот светски тенисер, Новак Ѓоковиќ ја оправда фаворитската улога   пред мечот со Шпанецот Рафаел Надал, и повторно  го победи долгогодишниот ривал со 7:6(5)/6:2 со што обезбеди финале против Милош Раониќ од Канада.
„Денеска првиот сет беше одлучен за само еден или два поени. И вториот сет беше доста тесен иако не изгледаше така. Ова беше голем предизвик, да се игра со еден од најдобрите на светот“, изјави Ѓоковиќ.
Србинот сега има 21-1 скор оваа сезона и ќе игра со Канаѓанецот Милош Раонич, кој со 6:3/3:6/6:3 го победи Белгиецот Давид Гофан. Женското финале исто така е во недела и во него Серена Вилијамс ќе ја брка првата титула во Калифорнија од 2001 против поранешната шампионка, Белорусинката Викторија Азаренка.
Ѓоковиќ и Надал сега имаат неверојатни 68 меѓусебни меча и Србинот има 25-23 скор, но и 10 победи во последните 11 меча. Надал, кој ќе наполни 30 години во јуни, е трикратен шамоион од турнирот во пустината, со титули во 2007, 2009 и 2013. Тој беше задоволен од својата игра.
„Денеска беше поблиску отколку последните неколку пати против најдобриот играч на светот. Ова беше позитивна недела за мене“, вели Надал.