Свет
21. November 2017 - 8:53

Новинар тврди дека Путин е еден од најбогатите луѓе на светот

Новинарот на „Гардијан“ Лук Хардинг тврди дека рускиот претседател Владимир Путин е еден од најбогатите луѓе на светот. Хардинг е автор на книга „Дослух: Тајни средби, валкани пари и како Русија му помогна на Доналд Трамп да победи“.

- Русија е најголем произведувач на нафта во светот. Луѓето на врвот на руската држава се мултимилијардери, а Путин е на врвот на таа пирамида, иако официјално има плата од само 100.000 долари годишно, тврди Хардинг.

Според него, Путин официјално нема некој посебен имот, но преку свои посредници директно контролира 37 проценти од нафтената компанија „Сургутнефтгаз“, како и 4,5 проценти од гигантот „Газпром“.

Хардинг проценува дека во 2012 година Путин контролирал имот вреден околу 70 милијарди долари.