Нови тротоари во општина Новаци
Општина Новаци почна со изградба на тротоари во населеното место Новаци, како и во селата Гермијан и Добромири.
Од општина Новаци информираат дека градежните активности се изведуваат на регионалниот пат Р1311 и притоа ќе бидат изградени тротоари во должина од 400 метри.
- Вредноста на овој зафат само во Новаци изнесува 1,7 милиони денари, а паралелно тротоари се градат и во селото Добромири во должина од 340 метри за што ќе бидат вложени 1,4 милион денари и во селото Гермијан во должина од 600 метри за што обезбедивме 1,2 милион денари, истакна градоначалникот на општина Новаци Лазар Котевски.
Средствата за овие градежни активности – изградба на тротоари во трите населени места Новаци, Доброимир и Гермијан се обезбедени од Министерството за животна средина и просторно планирање, односно преку Фондот за фосилни горива, потврдуваат од општината.
Ново на Сител
-
Во Југоистокот на државата запишани 1547 болни и изнемоштени лица
-
ВО ЖИВО: Подготовки во ДИК
-
Гласање во затвор „Идризово“, запишани 887 избирачи
-
Гласаат затворениците во Штип
-
Управен ја запре постапката за вработување на 130 кандидати за идни судии и јавни обвинители
-
ДСЗИ констатира незаконско работење на Токсикологија – лица без договор за работа давале здравствени услуги
-
Супервештачење за случајот Веапоска која остана без три органи
-
Ученикот кој претепа наставничка ќе биде префрлен во друго училиште