Нови протести во Бугарија против Владата и главниот обвинител
Протести против владата на Бугарија и против главниот обвинител се одржуваат веќе деветти ден по ред во Софија и други градови низ таа држава.
Демонстрантите во Софија почнаа да се собираат пред зградата на претседателството во попладневните часови. На самото место има силни полициски сили.
Претходно заменик началникот на полицијата во Софија, Антон Златанов изјави дека осум лица се приведени на 16 јули, пред и по антивладините протести во бугарскиот главен град. Златанов рече дека дрога е пронајдена кај двајца приведени, а кај шест лица се пронајдени ножеви, солзавец и пиротехника.
Регионалниот суд во Софија, исто така, денеска одреди кауција за четворица млади мажи, кои беа уапсени и обвинети за фрлање шишиња и метални лименки кон полицајците и фрлање на нив во зградата на Националното собрание за време на антивладините протести на 14 јули.
Бугарскиот премиер Бојко Борисов во средата побара од министрите за финансии, економија и за внатрешни работи да си поднесат оставки поради протестите.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка