Нови кревети со душеци и гардеробери во интернатот во Кавадарци

Педесет нови кревети со душеци, по исто толку гардеробери и столици, како и 20 работни маси, обезбедени се за интернатот во Кавадарци, од страна на Министерството за образование и наука.

Во изјава за МИА, задоволство изрази директорката Трајанка Толева.

-Сега имаме прекрасни услови за учениците сместени во нашиот ученички дом „Крсте Петков Мисирков”. Шкафовите и креветите кои досега се користеа, беа од 2000 година, а душеците од 2010 година. Значи во домот се обезбедени стандард и услови за живот на учениците, нагласи таа.