Македонија
5. August 2016 - 15:12

Нови 50 решенија за легализација во општина Кисела Вода

Доделени се нови 50 решенија за легализација на дивоградби во општина Кисела Вода. Со тоа правен статус добија вкупно 4.880 објекти или една третина од пристигнатите 13.850 барања за легализација.

Бројот на поднесени барања без геодетски елаборат во моментов е 4.013. Изготвени се уште 250 урбанистички согласности, од кои за 197 се чека уплата на надоместокот, за постапката за изготвување на решенијата за легализација на објектите да може да се продолжи.

Градоначалничката на општина Кисела Вода Билјана Беличанец-Алексиќ ги потсети граѓаните кои ја немаат докомплетирано документацијата што поскоро да ја достават до административните служби.

- Крајниот рок за комплетирање на документацијата за новодонесените барања кои пристигнаа во продолжениот рок даден од Владата истекува до крајот на 2017 година, а за граѓаните кои претходно имаат поднесено барање е до 31 декември годинава, рече Беличанец-Алексиќ.