Нови 26 случаи со Ковид-19 во Косово, вкупно 449 заразени, 11 починати и 79 излекувани
Во Косово во текот на вчерашниот ден се регистрирани нови 26 случаи на заболени од Ковид-19, како и осуммина кои се излекувани, откако претходно биле дијагностицирани како заразени од новиот коронавирус, објави синоќа Институтот за јавно здравство на Косово (ИШПК) во својот 24-часовен извештај за состојбата со заразата во земјата.
Како што јави дописникот на МИА од Приштина, заедно со новите случаи, официјалната бројка на заразени во Косово сега изнесува 449, додека како излекувани, вклучително вчерашните осум, согласно методите пропишани од Светката здравствена организација, се водат 79 лица.
Во четвртокот беа забележани и два нови смртни случаи на заболени од Корона-19, со што бројот на жртви на заразата во Косово се искачи на 11. Лицата кои починаа вчера, жени на 73 и 71-годишна возраст, како и досегашните деветмина починати, страдале и од други пропратни болести.
Во Лабораторијата за молекуларна микробиологија на ИШПК вчера се тестирани примероците на 195 лица за кои постоело сомневање дека се можни носители на вирусот. Вкупната бројка на тестирани од 8 февруари, заклучно со вчерашниот ден, изнесува 3.915.
Ново на Сител
-
Расчистена кражба во Гостивар
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата