Македонија
10. јуни 2017 - 11:12

Нова промена на цените на горивата во Македонија

Со последната одлука на Регулаторната Комисија за енергетика, донесена на крајот на мај, бензинитепоскапеа за денар, а дизелот и екстра лесното масло за домаќинство за 1,5 денари.
 
Цената на литар ЕУРОСУПЕР БС-95 изнесува 64 денари, а 66 денари за литар ЕУРОСУПЕР БС-98. Литар ЕУРОДИЗЕЛ (Д-Е V) чини  50,50 денари, додека Екстра лесното масло за домаќинство (ЕЛ-1) изнесува 39 денари за литар.
 
Малопродажната цена на мазутот М-1 НС се зголеми за 1,130 денари  по килограм и изнесува 26,382 денара.
 
Малопродажните цени на нафтените деривати, согласно Методологијата за формирање на цените, се зголемија во просек за 2,91 процент.
 
Најновите ценовни движења на суровата нафта најавуваат значително намалување на нејзината малопродажна цена во Македонија од следниот понеделник. 
 
Денес, барел сурова нафта на берзата во Лондон се тргуваше за 49,9 долари што всушност претставува раст на цената од 0,1% во однос на претходниот ден.
 
Меѓутоа, оваа цена се наоѓа се уште под нивото на цената врз основа на која РКЕ ги формираше малопродажните цени во Македонија на 29-ти минатиот месец. 
 
Тогаш, РКЕ пресмета средна цена од 52,3 долари за барел што е скоро 2,5 долари повеќе во однос на тековната цена. 
 
Во тој случај, доколку нема некои посериозни шокови на пазарот денес или утре, од понеделник може да очекуваме дека регулаторот ќе ги намали цените за неколку денари.