Нова инвестиција во Македонија, полска компанија ќе произведува електрични автобуси и земјоделска механизација
Полска компанија ќе инвестира во Македонија. Интерната одлука за вложување веќе е донесена, а нејзиното официјално објавување се очекува најдоцна за 2 месеци, откри заменик директорот на Агенцијата за странски инвестиции, Ивана Николиќ. Станува збор за крупна инвестиција, која ќе отвори многу работни места, но името и вредноста ќе се објават наскоро
-Станува збор за компанија која ќе произведува електрични автобуси , трактори и останати машини за земјоделието.Одлуката за инвестирање ќе ја донесат најдоцна за еден до два месеци, изјави Ивана Николиќ, заменик директор на Агенција за странски инвестиции
Наредниот период се очекува влез и на други компании. Агенцијата заедно со владиниот тим, и покрај политичката криза, постојано се на терен и ги презентираат потенцијалите за инвестирање.
Секој член од тимот веќе е во завршна фаза со преговорите со 2 до 3 компании. така што наскоро може да се очекува и нивно објавување
Инаку, изминативе денови објавени беа две нови инвестиции, германска и американска, кои вкупно ќе вложат 14 милиони евра и ќе вработат најмалку 450 лица.
Нивната одлука за вложување била донесена токму на бизнис форумите каде се презентираат поволностите кои ги нуди државата.