Нов спор помеѓу Велика Британија и ЕУ поради извозот на вакцините
Нов спор изби меѓу Велика Британија и ЕУ откако претседателот на Европскиот совет Шарл Мишел изнесе тврдење дека Велика Британија го забранила целиот извоз на вакцини против Ковид-19, а Владата во Лондон одлучно демантира, пренесува Би-Би-Си.
Би-Би-Си наведува дека британскиот министер за надворешни работи Доминик Раб изјавил дека тврдењата на највисокиот функционер на ЕУ се погрешни и дека никогаш немало целосна забрана за извоз на вакцини произведени на нејзино тло.
– Владата на Велика Британија не го блокираше извозот на ниту една вакцина против Ковид-19 или компоненти на вакцината. Секоја индикација за забрана за извоз од Велика Британија или какво било ограничување на вакцините е целосно неточно, порача Раб.
Како што пренесува Би-Би-Си, ова е втор пат од почетокот на годинава Велика Британија и ЕУ да имаат несогласувања околу производството и дистрибуцијата на вакцини против коронавирус, а новиот конфликт е предизвикан од изјавата на претседателот на Советот на ЕУ, кој рече дека е „шокиран од тоа што ЕУ е обвинета за национализам на вакцините, затоа што воспостави само механизам за контрола на извозот на вакцини произведени на нејзино тло“.
– ЕУ никогаш не престана да извезува вакцини и повеќето дози што овозможиле масовна вакцинација во Израел се од Белгија, додека Велика Британија и САД директно забранија извоз на вакцини или компоненти од кои се прават, рече Мишел.
Би-Би-Си наведува дека лидерите на ЕУ се под притисок поради бавното воведување вакцини на континентот, во споредба со Велика Британија, каде што 22,5 милиони луѓе, третина од возрасната популација, ја примија првата доза.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација