Нов палестинско-израелски инцидент на Западен брег
Еден Палестинец денеска упаднал со автомобил меѓу израелски војници и повредил двајца на автобуска станица во близина на еврејска населба на Западен брег, по што еден цивил го застрелал, соопштуваат војската и полицијата.
Во речиси секојдневните напади со нож, влетувања со автомобили и истрели, од 1 октомври се убиени 19 Израелци и еден Американец, додека израелските сили убиле 92 Палестинци од кои некои извеле напади, а некои се убиени во судир со полицијата и војската.
Многумина од убиените се тинејџери, потенцираат медиумите.
Палестинците го обвинуваат Израел дека користи прекумерна сила против напаѓачите и наведува дека во многу случаи напаѓачите би можеле да бидат сопрени и приведени, а не мора да бидат застрелани и убиени.
Нападите, од кои многу се изведени спонтано, делумно се поттикнати од гневот на муслiманите поради посетата на Евреите на џамијата Ал-Акса во Ерусалим, третото најголемо исламско светилиште, кое исто така е свето место во јудизмот.
Посетата на американскиот државен секретар Џон Кери на Израел и Палестина во вторникот, со цел да се смири населението, не покажа знаци на успех, заклучуваат британските медиуми.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок