Норвешка очекува рекорден прилив од продажба на нафта и гас во 2023
Владата на Норвешка наредната година очекува рекордни приходи од продажба на нафта и гас, речиси една петтина повеќе отколку годинава и петпати повисоки од 2021, благодарение на проценетото повисоко производство и „скокот“ на цените.
Цените на гасот во Европа се повисоки поради намалените залихи од Русија. Западните земји воведоа санкции против земјата поради нејзината инвазија на Украина. Најголемиот европски снабдувач со гас и голем светски производител на нафта, Норвешка очекува идната година да испумпува 4,3 милиони барели нафтна дневно. Тоа е за 200.000 барели дневно повеќе отколку годинава. Поради растечките цени, тоа ќе ѝ донесе голема заработка.
Во нацрт-буџетот за наредната година, Министерството за финансии на Норвешка прогнозира раст на приходите од нафта и гас на рекордни 131 милијарди долари, пишуваат дел од светските медиуми. Иако Осло тврди дека „скокот“ на цените на гасот не е во долгорочен интерес на земјата, таа ги отфрли повиците за ограничување на цените. Според Осло, тоа нема да ѝ помогне на Европа да обезбеди повеќе енергија.
Во нацрт-буџетот, Министерството за финансии најави и дека планира наредната година да ја намали потрошувачката од државниот пензиски фонд за буџетско финансирање за да ја ограничи инфлацијата. „Иако економијата покажува знаци на забавување, инфлацијата е на највисоко ниво од 80-тите години на минатиот век.
Затоа е потребен штедлив буџет каде се намалува потрошувачката од глобалниот пензиски фонд на Владата“, се истакнува во соопштението. Се очекува инфлацијата годинава да достигне 4,8 отсто и да падне на 2,8 проценти во 2023 година.
Ново на Сител
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени