Свет
25. May 2019 - 15:29

Ноќно бомбардирање во Јемен, девет жртви меѓу кои две деца

Девет цивили, од кои две деца, беа убиени во бомбашки напад синоќа во југозападниот дел на Јемен.

Информацијата денеска ја соопшти еден лекар и бунтовници, припишувајќи ги ударите на коалицијата предводена од Саудиска Арабија.

Лекар од болницата Ал-Таври во провинцијата Таез изјави дека повеќе луѓе се повредени.

Според агенцијата на бунтовниците Саба, авиони на коалицијата гаѓале бензинска пумпа во таа област.

Во Јемен е во тек војна меѓу силите на меѓународно призната Влада, поддржана од Саудиска Арабија и Обединетите Арапски Емирати, и шиитските бунтовници Хути, поддржани од Иран, кои држат територии на север и запад од земјата, вклучувајќи го и главниот град на Сана.

Градот Таез, центарот на истоимената провинција, е под провладини сили, но сега се наоѓа под опсада на бунтовниците.