Поефикасен кривичен прогон и максимално искористување на расположливите ресурси во борбата против корупцијата и криминалот – ова се приоритетите на новата шефица на Обвинителството за гонење на организиран криминал и корупција. Искра Хаџи Василева денеска даде свечена заклетва пред Советот на јавни обвинители, со што и официјално го започна четиригодишниот мандат. Вели дека фокусот ќе биде на предметите што го засегаат јавниот интерес и се од значење за граѓаните.