Народната банка на Србија ѝ ја одзеде дозволата за работа на „Алта банка“ од Белград поради значително влошување на финансиската состојба. Банката оди во стечај, а одлуката предизвика вознемиреност и во Македонија, бидејќи белградската „Алта банка“ лани ја презеде поранешната „Стопанска банка Битола“.
Од „АЛТА банка Битола“ соопштија дека нема причина за загриженост и дека банката работи редовно, експозитурите и банкоматите функционираат, а клиентите можат непречено да располагаат со своите пари.