Швајцарија ја поддржува европската перспектива на Македонија и останува посветена на стабилноста и развојот на Западен Балкан, порача шефот на швајцарската дипломатија Игнацио Касис и претседавач со ОБСЕ, кој во Скопје ги истакна трите клучни области на соработка – економијата, поддршката за реформите и европската интеграција.

Преку програмата за развојна соработка до 2028 година Швајцарија најави дека ќе продолжи да ги поддржува реформите, економијата и отворањето работни места во земјава.