Националниот парк „Шар Планина“, во соработка со Македонското еколошко друштво (МЕД), го спроведе првото организирано пребројување и процена на состојбата на популацијата на дивокозата во зоната на строга заштита Лешница.

Истражувањето било реализирано во трите долини на месноста Лешница, при што биле забележани здрави стада со единки од различна возраст и пол, вклучително и подмладок.