Ќе се заштитува и ревитализира Студенчишкото блато во Охрид кое некогаш било главно мрестилиште на крапот и други видови риби, но и дом за многу птици. Поради прекумерната урбанизација изминатите години површината на блатото е значително намалена, екологистите посочуваат дека потребни се посериозни интервенции за да се заштити.
Заштитата на блатото е препорака од УНЕСКО со цел да се зачува како природен филтер на Охридското Езеро и живеалиште на ендемични видови.