Најмногу нови возила ќе добијат Службите за итна медицинска помош кои имаат поголем број на интервенции, транспорти и покриваат територија со повеќе жители. По овие критериуми ќе бидат распределени 100-те нови амбулантни возила за цела Македонија. Комбињата се комплетно опремени со потребната медицинска опрема. Според најавите од здравствените власти 60 од нив ќе бидат наменети за зголемување на капацитите на Брзата помош, а останатите за замена на дотраените. Но, сериозен предизвик речиси за сите Установи во државата е недостигот на тимови од доктор, сестра и возач.