Жителите на Чешиново, Уљарци, Жигјанци и Соколарци, денеска излегоа на мирен протест, револтирани поради нерешавањето на нивниот долгогодишен проблем, нередовна испорака на електрична енергија до нивните домови и стопански капацитети. Како што велат, роса да зароси, тивко ветре да дувне, тие со часови, а понекогаш и со денови остануваат без струја. Ситуацијата е уште подраматична затоа што со вода за пиење и лична хигиена се снабдуваат од приватни бунари.