Во Мадрид беше промовирано шпанското издание на книгата „Во срцето на Шпанија“, посветена на македонските доброволци кои учествувале во Шпанската граѓанска војна како дел од Интернационалните бригади.

Книгата, чии автори се Перо А. Коробар и Владимир Ивановски, содржи сведоштва и животни приказни на македонските борци.

Од 137 македонски доброволци, 65 ги загубиле животите на шпанските боишта.

Преводот е реализиран на иницијатива на Македонската амбасада во Шпанија, со поддршка на шпанското Министерство за територијална политика и демократска меморија.