Пеколните горештини ги вжештија телефоните во Брза Помош. Хронично болни, пациенти со висок крвен притисок, постари лица – денеска сите бараат помош од дежурните во службата. Бројот на повици е двојно зголемен во спроредба со вчерашниот ден.  По извршените посети лекарите констатирале дека голем број од граѓаните не ги почитуваат основните препораки за заштита од топлото време.