Министерот за правда, Игор Филков, ќе ја води меѓупартиската работна група што треба да ги креира новите изборни правила. По неуспешниот прв обид за состанок, денеска е постигнат договор дека сите одлуки за евентуалните измени на Изборниот законик ќе се носат со консензус.

Сè уште не е одлучено дали ќе се донесе целосно нов Изборен законик, дали ќе се отвори прашањето за нов изборен модел или пак сè ќе остане во рамките на препораките на ОБСЕ/ОДИХР. Следната средба ќе ја даде конечната насока, а на 23 март секоја партија ќе ги претстави своите предлози.